“მანჩესტერ იუნაიტედის” მთავარმა მწვრთნელმა ლუი ვან გაალმა უარყო გავრცელებული ინფორმაცია, თითქოს რადამელ ფალკაოს მუხლის ძველმა ტრავმამ შეახსენა თავი. ჰოლანდიელმა სპეციალისტმა MUTV-სთან საუბრისას განაცხადა, რომ 28 წლის კოლუმბიელმა ახალი ტრავმა მიიღო და ამის გამო ორი კვირა გაუცდება.
მალევე “მანჩესტერის” ოფიციალურმა თვითერმა სიტყვა “ახალის” მნიშვნელობა ახსნა. აღმოჩნდა, რომ ფალკაოს მართლაც დაემართა ტრავმის რეციდივი, ოღონდ წვივქვეშა კუნთისა და არა მუხლისა, რომლის გამოც რადამელს მსოფლიოს ჩემპიონატის გამოტოვება მოუწია.
