გერმანიის ეროვნული ნაკრების და მიუნხენის "ბაიერნის" შემტევმა თომას მიულერმა ესპანეთთან გამართულ ამხანაგურ მატჩში მარცხენა ფეხზე დარტყმა მიიღო და 22-ე წუთზე იოახიმ ლიოვმა მის ნაცვლად მოედანზე ქარიმ ბელარაბი შეიყვანა.
"ვიმედოვნებ, დაზიანება სერიოზული არ აღმოჩნდება." - განაცხადა მიულერმა.
გერმანიის ეროვნული ნაკრების თავკაცი იოახიმ ლიოვიც პოზიტიურ განწყობაზეა და თვლის, რომ "ბაიერნის" ფეხბურთელი რამდენიმე დღეში კარგად იქნება.
"რეკორდმაისტერი" 22 ნოემბერს "ალიანს არენაზე" ბუნდესლიგის მატჩში "ჰოფენჰაიმს" დაუხვდება. გუნდის ერთ-ერთმა ლიდერმა ფილიპ ლამმა კოჭი მოიტეხა და სამი თვე "ბაიერნს" ვერ დაეხმარება და თუ მიულერის ტრავმაც სერიოზული აღმოჩნდება, პეპ გვარდიოლას საკადრო პრობლემები შეექმნება.
