ზაზა ფაჩულიას “მილოუკი ბაქსმა” შინ “მემფის გრიზლი” 93:92 დაამარცხა. ფაჩულიამ პარკეტზე 14 წუთი და 49 წამი გაატარა, მისი მონაგარი კი 4 ქულა და 3 მოხსნა იყო. ფაჩულიამ ოთხჯერ ისროლა ორქულიანი და ორჯერ ჩააგდო. მილოუკის” ცენტრმა 4 პერსონალური ჯარიმა მიიღო და ბურთი არ დაუკარგავს.

ბოლო წამებზე ზაზას გუნდი 2 ქულით აგებდა. ბურთი “მილოუკის” გამთამაშებელ ბრენდან ნაითს ჰქონდა. ზაზამ ბლოკი დაუყენა და ერთი კაცი ჩამოაშორა, ნაითსაც აღარ გასჭირვებია სამწამიანში შესვლა და ორქულიანის ჩაგდება, რასაც “ენდ ვანი” მოჰყვა. ბრენდანმა ჯარიმაც გამოიყენა და “დათვებს” მიმდინარე სეზონში პირველი მარცხი აწვნია.