ბელგიისა და უელსის ნაკრებებს შორის გამართული ევროპის ჩეპიონატის საკვალიფიკაციო მატჩის შემდეგ, რომელიც ფრედ 0:0 დამთავრდა, მადრიდის “რეალის” უელსელმა შემტევმა გარეთ ბეილმა “Sky sport”-თან ინტერვიუში განაცხადა,რომ ბელგიიდან ქულის წამოღება მშვენიერი შედეგი იყო.

“იმის გათვალისწინებით, რომ ბელგიას შესანიშნავი გუნდი ჰყავს, ჩვენთვის მათთან ქულის მოპოვება კარგი შედეგია. თითოეული ფეხბურთელი ბოლომდე დაიხარჯა და საბოლო ჟამში მიზანსაც მივაღწიეთ,” – განაცხადა ბეილმა.

B ჯგუფს ოთხი ტურის შემდეგ 9 ქულით ისრაელი ლიდერობს, მეორე ადგილს უელსი 8 ქულით იკავებს, ხოლო ბელგია 5 ქულით მეოთხე პოზიციაზეა და ქულით ჩამორჩება კვიპროსს.