ინდოეთის ჩემპიონატში ნიკოლა ანელკას დებიუტი შედგა. “მუმბაი სიტის” მწვრთნელმა პიტერ რიდმა 35 წლის ფორვარდი “ჩენაინის” წინააღმდეგ სასტარტო შემადგენლობაში ათამაშა.

მანჩესტერ “სიტისა” და “გალათასარაის” ყოფილი ფეხბურთელის ელანოს გუნდმა “ჩენაინიმ” სტუმარ “მუმბაი სიტის” ფეხბურთელები დიდი ანგარიშით დაამარცხა (5:1).

ელანომ დუბლი შეასრულა, ხოლო სხვა გოლთა ავტორები უცნობი ინდოელი და სამხრეთამერიკელი ფეხბურთელები არიან: მენდოზა. ლალპეკუა და ნაბი.

“ჩენაინის” მოთამაშე-მწვრთნელი ცნობილი იტალიელი, მსოფლიოს ჩემპიონი მარკო მატერაცია. გამარჯვებულთა შორის კიდევ ერთმა ცნობილმა ვეტერანმა მიკაელ სილვესტრმა ითამაშა.

რაც შეეხება “მუმბაი სიტის,” ანელკას მსგავსად სასტარტოში იყო გამოცდილი გერმანელი მანუელ ფრიდრიხი.