იტალიური “მილანის” ესპანელი ფორვარდი ფერნანდო ტორესი იტალიელ ჟურნალისტებს გაესაუბრა. ფეხბურთელმა თავის მომავალ მიზნებზე და “მილანზე” ისაუბრა და აღნიშნა, რომ მისი მიზანი ესპანეთის ნაკრებში დაბრუნებაა.
“აქ დროის გასაყვანად არ ჩამოვსულვარ. ჩვენ გვყავს ძალიან ამბიციური მწვრთნელი და ის ძალზე კარგად უდგება საქმეს. მას სურს, რომ “მილანს” ძველი დიდება დაუბრუნოს. ყველაფერს გავაკეთებ ამ გუნდისთვის და ეროვნულ ნაკრებში დასაბრუნებლად”, - განაცხადა ტორესმა.
ფერნანდო ტორესი “როსონერიში” წლეულს ლონდონის “ჩელსიდან” გადავიდა. სერია A-ში ჩატარებულ 6 თამაშში კი ერთი გოლი აქვს გატანილი.
