მას შემდეგ, რაც 2015 წლის თბილისის ევროპის ოლიმპიური ფესტივალისთვის მწყობრში ჩადგება მაღალი დონის სამი საკალათბურთო დარბაზი, საქართველო 2016 წლის 18 წლამდელთა ვაჟ კალათბურთელთა ევროპის ჩემპიონატს უმასპინძლებს.

ამის შესახებ განცხადება საქართველოს სპორტისა და ახალგაზრდობის საქმეთა სამინისტროს საპრესკონფერენციო დარბაზში საქართველოს კალათბურთის ფედერაციის პრეზიდენტმა მიხეილ გაბრიჩიძემ გააკეთა.