ტურინის “იუვენტუსის” 21 წლის ლიდერი პოლ პოგბა “იუვენტუსთან” ახალ კონტრაქტს უახლოეს მომავალში გაახანგრძლივებს, ამის შესახებ “გაძეტა დელო სპორტი” იუწყება.
პოგბა ახალი კონტრაქტის თანახმად, “ბებერ ქალბატონში” 2018 წლის ზაფხულამდე დარჩება, კონტრაქტში კი ჩაიდება პუნქტი, რომელიც მხარეების სურვილის შემთხვევაში ხელშეკრულებას კიდევ ერთი წლით ავტომატურად გააგრძელებს.
ფეხბურთელს ახალი კონტრაქტის თანახმად გაუმჯობესებული პირობებიც ექნება. იგი წელიწადში 4.5 მილიონ ევროს მიიღებს, რასაც პრემიაც დაემატება.
პოლ პოგბა “იუვეში” 2012 წელს “მანჩესტერ იუნაიტედიდან” გადავიდა. ზაფხულში ფრანგი ფეხბურთელის გადაბირება პსჟ-ს სურდა, თუმცა ფეხბურთელი ტურინში დარჩა. პოგბას ფასი ამჟამად 60 მილიონ ევროს აღწევს.
გიორგი მელქაძე
