“ლაციოს” 19 წლის ფორვარდი კეიტა ბალდე დიაო გასულ უქმეებზე ავტოავარიაში მოყვა. ფეხბურთელის მანქანა, 158 000 გირვანქა სტერლინგად ღირებული ყვითელი ლამბორჯინი გალიარდო ფაქტიურად გამოუსადეგარია, ხოლო თავად ესპანელი ფეხბურთელი უვნებლად გადარჩა.

ბოლო დროს გავრცელებული ინფორმაციით, დიაოს გადაბირებით “ლივერპულია” დაინტერესებული. “ბარსელონას” საფეხბურთო სკოლის, ლა მასიას აღზრდილი ფორვარდი “ლაციოს” ძირითად გუნდში გასული წლიდან გამოდის, სარეზერვო შემადგენლობიდან ვლადიმერ პეტკოვიჩმა დააწინაურა.

კეიტას თამაში ასაკიდან გამომდინარე წარმატებულად ითვლება, 23 მატჩში მის ანგარიშზე 5 გოლია.