ბელგიური საფეხბურთო კლუბის “გენკის” ტექნიკური დირექტორი გიუნტერ იაკობი ოთხშაბათს თბილისში ჩამოფრინდება.
მისი ჩამოსვლის მიზეზი გუნდის ქართველი ნახევარმცველის თორნიკე ოქრიაშვილის ირგვლივ შექმნილ სიტუაციაში გარკვევაა.
საქართველოს ნაკრების ერთ-ერთი ლიდერი ევრო-2016-ის შესარჩევ ციკლში გიბრალტართან სტუმრად ჩატარებული მატჩის მერე ბელგიაში აღარ ჩასულა, რისთვისაც “გენკის” სარეზერვო გუნდში გადაიყვანეს. ამის მიზეზად, მისი ოჯახური პრობლემები დასახელდა.
“გენკის” ტექნიკური დირექტორი შეეცდება ადგილზე გაიგოს თუ რა ხდება ოქრიაშვილის თავს.
