ესპანეთის პრიმერა დივიზიონის მე–2 ტურში, ერნესტო ვალვერდეს დამოძღვრილმა „ბილბაომ“ „ოსასუნას“ უმასპინძლა და შინ უქულოდ გაისტუმრა. ბასკებმა თითო ტაიმში თითო გოლი იკმარეს და დამსახურებული გამარჯვებაც მოიპოვეს.

ანგარიში ოსასუნელთა უიღბლობის წყალობით გაიხსნა – ალეხანდრო არიბასმა ბურთი თავის კარში ჩაჭრა და მასპინძლებს დაწინაურების საშუალება მისცა. ამის შემდეგ, „ბილბაოს“ უპირატესობა ხელიდან არ გაუშვია და მეტიც, გაზარდა კიდეც – სწრაფი კონტრშეტევის შედეგად მეკარესთან თითქმის პირისპირ დარჩენილმა ოსკარ დე მარკოსმა იოლად აიღო სტუმართა კარი და საბოლოო ანგარიში – 2:0 დააფიქსირა.

შედეგიანი ფრე დაფიქსირდა „კოლიზეუმ ალფონსო პერესზე“, სადაც „ხეტაფემ“ პრიმერაში დაბრუნებულ „ალმერიას“ უმასპინძლა. საგულისხმოა, რომ სტუმრები 2–ჯერ იგებდნენ, მაგრამ მასპინძლებმა ორივეჯერ შეძლეს წონასწორობის აღდგენა. საბოლოოდ, მატჩი 2:2 დასრულდა და გუნდებმა ქულები გაიყვეს.

ხეტაფე. „კოლიზეუმ ალფონსო პერესი“.

ხეტაფე – ალმერია 2:2 (1:2)

ხეტაფე: მოია, ვალერა, რუანო, ლოპესი, ლაგო, ბორხა, ლაფიტა, კასტრო, ლასენი (ლეონი 53), სარაბია (ფედორი 61), კოლუნგა.

მწვრთნელი: ლუის გარსია პლასა

ალმერია: ესტებანი, დუბარბიერი, პელერანო, რაფიტა, ტრუხილიო, სორიანო (სუარესი 69), ვერსა, ტებარი (კორონა 79), ვიდალი, სუსო, როდრი (დიასი 88).

მწვრთნელი: ფრანსისკო როდრიგესი

გოლები: 0:1 როდრი (30), 1:1 ლაფიტა (32), 1:2 სორიანო (37), 2:2 კასტრო (85პ.)

გაფრთხილებები: ლოპესი (46), ბორხა (90) – სუსო (23)

კარში დარტყმა: 16 (6) – 15 (2) ჯარიმა: 13 - 6 კუთხური: 6 - 5 თამაშგარე: 2 - 4 ბურთის ფლობა: 51% - 49% სეივი: 2 – 4

ბილბაო. „სან მამესი“.

ბილბაო – ოსასუნა 2:0 (1:0)

ბილბაო: ერერინი, ირაოლა, საბორიტი, ლაპორტი, გურპეგი, სუსაეტა (მორანი 75), ბენიატი, იტურასპე, ერერა (დე მარკოსი 64), ადურისი, მუნიაინი (გომესი 69).

მწვრთნელი: ერნესტო ვალვერდე

ოსასუნა: ფერნანდესი, ლოტიე, ბერტრანი (სანხურხო 63), ორიოლი, არიბასი, პუნიალი, სისი (ომვუ 82), სილვა, არმენტეროსი, რიერა, ნუნიესი (ტორესი 66).

მწვრთნელი: ხოსე ლუის მენდილიბარი

გოლები: 1:0 არიბასი (31ს.კ.), 2:0 დე მარკოსი (82)

გაფრთხილებები: ლაპორტი (35), ერერა (40) – რიერა (26), ბერტრანი (36)

კარში დარტყმა: 16 (6) – 15 (2) ჯარიმა: 13 - 6 კუთხური: 6 - 5 თამაშგარე: 2 - 4 ბურთის ფლობა: 51% - 49% სეივი: 2 – 4