“მილუოკი ბაქსის” ქართველმა ცენტრმა ზაზა ფაჩულიამ მორიგი საგამოფენო მატჩი ტრავმის გამო გამოტოვა. ზაზას ფეხის მყესი აქვს ნატკენი და “მედისონ სქვერ გარდენში” “ნიუ იორკ ნიქსთან” მოგებულ (120:107) თამაშს ამიტომ დააკლდა.

გასულ შეხვედრაში მილუოკელთა მხრიდან საუკეთესო სათადარიგო ო ჯეი მაიო გახლდათ, რომელმაც 31 წუთში 24 ქულა მიითვალა. 14-14 ქულა მოაგროვეს ანტეტოკოუნმპომ და დადლიმ, გუნდის ახალწვეულმა პარკერმა კი 13 ქულა ჩააგდო.

წინასასეზონო პერიოდში, “ბაქსს” თანაბარი ბალანსი (3 მოგება, 3 მარცხი) აქვს, მომდევნო მატჩს კი 23 ოქტომბრის დილას, შინ, “მინესოტა ტიმბერვულვზთან” ჩაატარებს.