დღეს, ჩემპიონთა ლიგა სამკვირიანი პაუზის შემდეგ ისევ განახლდება. დღის გამორჩეული მატჩი კი უდავოდ რომში გაიმართება, სადაც „სტადიო ოლიმპიკოზე“ იტალიური „რომა“ მიუნხენის „ბაიერნს“ უმასპინძლებს.

მატჩისწინა პრესკონფერენციაზე მიუნხენელთა ესპანელმა თავკაცმა ჟურნალისტების კითხვებს უპასუხა და თავიანთი დღევანდელი მეტოქე შეაქო.

„რომას“ თამაშის ყურება ძალზე სასიამოვნოა. ისინი ძალიან კარგად გადადიან დაცვიდან შეტევაში, როგორც ამას ბოლო წლებში კონტეს ფორმაციის „იუვენტუსი“ ახერხებდა. იტალიასთან ძალიან კარგი მოგონებები მაკავშირებს, როგორც „ბრეშას“ პერიოდიდან, ისე „რომადან“, - აღნიშნა გვარდიოლამ.

შეგახსენებთ, რომ ჩემპიონთა ლიგის ე.წ სიკვდილის ჯგუფს „ბაიერნი“ 6 ქულით ლიდერობს, ხოლო რომაელები 4 ქულით მე-2 პოზიციზე იმყოფებიან.

გიორგი მელქაძე