“მანჩესტერ იუნაიტედის” ნახევარმცველის ესპანელი ხუან მატას განცხადებით, ლუის ვან გაალი კარგად ექცევა ფეხბურთელებს და ხშირად ეკითხება მოთამაშეებს აზრს.

“ვან გაალი გამოცდილი მწვრთნელია, მე მისგან ბევრს ვისწავლი. როცა საჭიროა ის საკმაოდ მკაცრია, მაგრამ ფეხბურთელებთან ახლო ურთიერთობა აქვს. მას უყვარს ჩვენთან საუბარი” – ხუან მატას სიტყვებს The Guardian-ი ციტირებს.

ვან გაალი “მანჩესტერის” მწვრთნელად ზაფხულში დაინიშნა. ინგლისის პრემიერლიგაში “წითელ ეშმაკუნებს” 7 მატჩში 11 ქულა აქვთ და მე-4 ადგილზე იმყოფებიან.