10 წელი გავიდა მას შემდეგ, რაც არგენტინელი ლიონელ მესი “ბარსელონას” შემადგენლობაში გამოჩნდა. მესის დებიუტი 2004 წლის 16 ოქტომბერს “ბარსელონას” შემადგენლობაში “ესპანიოლის” წინააღმდეგ შედგა, მაშინ ის 17 წლის იყო.

“მინდა მადლობა გადავუხადო ჩემს ოჯახს, მეგობრებს, კოლეგებს და “ბარსელონას” მთელ შემადგენლობას 10-წლიანი მხარდაჭერისთვის. ყოველთვის მსიამოვნებს “ბარსას” მაისურის მორგება. მინდა ვიყო უფრო უკეთესი და მოვიგო მეტი ტიტული. დიდებული 10 წელი გავატარე “ბარსელონაში”, ყველას გეხუტებით” – განაცხადა მესიმ თავის ოფიციალურ Facebook-ზე.

მესიმ ინსტაგრამზე განათავსა ვიდეო, სადაც ის აცხადებს: “ვიმედოვნებ, რომ უფრო და უფრო წინ წავალ, განვვითარდები, ბევრს მოვიგებ. იმედია დიდ ხანს ვითამაშებ, მადლობა ყველა მესიჯისთვის და მოლოცვისთვის.”

მესიმ 5-ჯერ მოიგო ესპანეთის ლა ლიგა (2005, 2006, 2009, 2010, 2011), ერთხელ ესპანეთის თასი (2009), 5-ჯერ ესპანეთის სუპერთასი (2005, 20006, 20009, 2010, 2011), 3-ჯერ უეფას ჩემპიონთა ლიგა (2006, 2009, 2011), 2-ჯერ უეფას სუპერთასი (2009, 2011), 2-ჯერ ფიფა-ს მსოფლიო საკლუბო ჩემპიონატი (2009, 2011). მესი ფიფას წლის საუკეთესო ფეხბურთელად 4-ჯერ დასახელდა (2008, 2009, 2010, 2011). არგენტინელმა “ოქროს ბურთი” 4-ჯერ მოიპოვა (2009, 2010, 2011, 2012).