საქართველოს ეროვნული ლიგის 23-ე ტურის ბოლო შეხვედრაში „დინამო თბილისმა“ გორის „დილა“ დაამარცხა და „რუსთავთან“ ჩამორჩენა შეამცირა.

მატჩი დაძაბული გამოდგა. თემურ ქეცბაიას გუნდი მე-11 წუთზე ნიკა ნინუამ დააწინაურა, რომელმაც ძალიან ლამაზი გოლი გაიტანა, როცა ერთი შეხებით შორეულ კუთხეში დაარტყა. პირველ ტაიმში ეს ერთადერთი გოლი გამოდგა.

სამაგიეროდ, მეორე ტაიმში ორჯერ გავიდა. ჯერ მაქსიმ ტეიშეირამ გაიტანა ახლო მანძილიდან და სხვაობა გაზარდა, ხოლო შემდეგ ბლეკსონ ანოფმა ბრწყინვალე დარტყმით შეამცირა სხვაობა. თუმცა, „დილამ“ მეტი ვერ შეძლო და ქეცბაიამ 2:1 გაიმარჯვა.

„დინამო თბილისი“ 37 ქულით მეორე ადგილზეა და მომდევნო ტურში „ტორპედოს“ გაეჯიბრება, „დილა“ კი 30 ქულით მეშვიდე ადგილზეა და „გაგრას“ დაუპირისპირდება.

„დინამო თბილისი“ – „დილა“ 2:1 (1:0)

გოლები: 1:0 ნინუა (11), 2:0 ტეიშეირა (59), 2:1 ანოფი (69)