ლონდონის “ჩელსის” პორტუგალიელი გარემარბის, პედრუ ნეტუს შეძენით “მანჩესტერ სიტი” სერიოზულადაა დაინტერესებული. The Sun-ის ინფორმაციით, ინგლისურმა კლუბმა ფეხბურთელის ტრანსფერზე მუშაობა უკვე დაიწყო.

როგორც ირკვევა, “სიტის” მთავარი მწვრთნელი ენცო მარესკა ნეტუსთან კვლავ მუშაობას ისურვებდა. “ჩელსი” 25 წლის ფეხბურთელს დაახლოებით 70 მილიონ ფუნტად აფასებს და მის გაყიდვას არ ჩქარობს, თუმცა სოლიდურმა შეთავაზებამ შესაძლოა ლონდონური კლუბის პოზიცია შეცვალოს. ნეტუს დამატებით ასევე “მილანია” დაინტერესებული.

პედრუ ნეტუ “ჩელსის” 2024 წლიდან წარმოადგენს. გასულ სეზონში მან ლონდონური კლუბის მაისურით ყველა ტურნირზე 46 მატჩი ჩაატარა, 7 გოლი გაიტანა და 8 საგოლე გადაცემა შეასრულა.