იტალიური „ინტერი“ „ტოტენჰემ ჰოთსფურის“ ცენტრალური მცველის, კრისტიან რომეროს შეძენას ცდილობს. ინსაიდერ ფაბრიციო რომანოს თქმით, 28 წლის არგენტინელი მილანურ კლუბს კიდევ ერთი პოტენციური გარიგების - მარჯვენა მცველის, ჯედ სპენსის ტრანსფერის - განხილვის დროს შესთავაზეს.
იტალიური კლუბი ამ ვარიანტს იკვლევს, მაგრამ პოტენციური გარიგება ფინანსური მიზეზების გამო რთულდება. „ტოტენჰემი“ მოთამაშის ტრანსფერში მინიმუმ 50 მილიონი ევროს მიღებას ელის და მოთამაშის ხელფასის მოთხოვნებიც მნიშვნელოვან ფაქტორს წარმოადგენს. ამასობაში, ინგლისურმა კლუბმა მცველის წასვლისთვის უკვე მოემზადა, მარკოს სენესი და იან პოლ ვან ჰეკე მის პოზიციაზე დაიმატეს.
„ბარსელონაც“ იჩენს ინტერესს რომეროს მიმართ, მაგრამ ესპანური კლუბი ამჟამად შეტევის გაძლიერებაზეა ორიენტირებული. არგენტინელი მცველის მოქმედი კონტრაქტი „ტოტენჰემთან“ 2029 წლის ზაფხულამდეა გათვლილი.
