სანდრო მამუკელაშვილი მომდევნო სეზონში „ტორონტოს“ რიგებში აღარ ითამაშებს.

ამერიკული მედია იტყობინება, რომ მან უარი თქვა 2.8-მილიონიან კონტრაქტზე და თავისუფალი აგენტი გახდება. ქართველ კალათბურთელს, როგორც ჩანს, სპორტული და ფინანსური კუთხითაც უკეთესი შეთავაზებები აქვს.

მედია წერდა, „ლეიკერსის“ მხრიდან ინტერესის შესახებაც, თუმცა, სხვა კონკრეტული დეტალები ჯერჯერობით უცნობია.

გასულ სეზონში სანდრო მამუკელაშვილი საშუალოდ 11 ქულა და 5 მოხსნას აგროვებდა.