გერმანული „ლაიფციგის“ მთავარ მწვრთნელად მარტინ დემიკელისი დაინიშნება. მხარეებს შორის შეთანხმება უკვე შედგა.
დემიკელისი „ლაიფცგითან“ კონტრაქტს 2029 წლის ზაფხულამდე გააფორმებს და ოლე ვერნერს შეცვლის. მარტინი გერმანულ ფეხბურთს კარგად იცნობს, რადგან 7 წლის განმავლობაში მიუნხენის „ბაიერნში“ თამაშობდა.
სამწვრთნელო კარიერაც „ბაიერნის“ მეორე გუნდში დაიწყო, შემდეგ „რივერ პლეიტსა“ და „მონტერეის“ ავარჯიშებდა, ბოლოს კი „მალიორკაში“ იყო, რომელიც ლა ლიგიდან გავარდა.
