ანზორ მექვაბიშვილის „კრაიოვამ“ რუმინეთის თასი მოიგო. ფინალში ქართველი ფეხბურთელის გუნდმა „უნივერსიტატეა კლუჟი“ პენალტების სერიაში დაამარცხა.

მატჩის ძირითადი და დამატებთი დრო გოლების გარეშე დასრულდა და ყველაფერი პენალტებში გადაწყდა, რომელშიც „კრაიოვამ“ 6:5 მოიგო. მექვაბიშვილმა, რომელმაც ტრავმა მოირჩინა, 57-ე წუთიდან ითამაშა და მან თავისი გუნდის მეხუთე პენალტი ზუსტად შეასრულა.

„კრაიოვამ“ რუმინეთის თასი ისტორიაში მესამედ მოიგო. მექვაბიშვილმა რუმინეთის თასზე შვიდ მატჩში 1 გოლი გაიტანა, ხოლო ყველა ტურნირზე მისი მონაგარი 50 შეხვედრაში 3 გოლი და 9 საგოლე პასია.