„მილანი“ მზადაა რაფაელ ლეაო გაყიდოს. ნიკოლო სკირას ინფორმაციით, პორტუგალიელის ისტორიაში „როსონერიში“ დასასრულს უახლოვდება.

ლეაოს თამაშით კლუბის გარდა, ფანებიც უკმაყოფილო არიან, რომლებმაც „ატალანტასთან“ ბოლო მატჩში მას შეცვლის მომენტში ბევრი უსტვინეს.

„მილანი“ მზადაა 50 მილიონ ევროდ ფეხბურთელი გაყიდოს. მისი კონტრაქტი ძალაში 2028 წლის ზაფხულამდეა და ამჟამად განახლებაზე მოლაპარაკებები შეჩერებულია. თუმცა, ჯერჯერობით, ლეაოს შესახებ ოფიციალური შეთავაზებები არ არის.

რაფაელ ლეაო „მილანს“ 2019 წელს „ლილიდან“ შეუერთდა და დღემდე 290 მატჩში 80 გოლი გაიტანა.