ვეტერანმა იტალიელმა მწვრთნელმა ფაბიო კაპელომ განაცხადა, რომ ლუის ენრიკე ამჟამად მსოფლიოში საუკეთესო მწვრთნელია.

როგორც მან თქვა, მასზე ყველაზე მეტად შთაბეჭდილებას ის სამუშაო ახდენს, რომელიც ესპანელმა სპეციალისტმა ხვიჩა კვარაცხელიასთან ჩაატარა:

„ლუის ენრიკე ძალიან მომწონს, სრული ლიდერული თვისებები აქვს. გუნდიდან მბაპე გაუშვა, მაგრამ ყველაზე მეტად, რაც შთამბეჭდავი ისაა, რაც მან კვარაცხელიასთან შეძლო: ის „ნაპოლიში“ შეტევაში რამდენიმე გარღვევას გააკეთებდა, მაგრამ შემდეგ ჩერდებოდა. ახლა კი, მუდმივად დარბის. ლუის ენრიკე საუკეთესოა“, - განაცხადა კაპელომ.

შეგახსენებთ, რომ ხვიჩა კვარაცხელიას ჩემპიონთა ლიგის მიმდინარე სეზონში 14 მატჩში 10 გოლი აქვს გატანილი და 5-ჯერ საგოლე პასი გააკეთა, ხოლო ყველა ტურნირის გათვალისწინებით 43 შეხვედრაში 18 გოლით და 9 საგოლე პასით გამოირჩა.