„მანჩესტერ სიტი“ „ტოტენჰემ ჰოთსფურის“ მცველის, პედრო პოროს, შეძენას გეგმავს ლონდონური კლუბის მიერ მოთხოვნილ 93 მილიონ ევროზე მნიშვნელოვნად დაბალ ფასად - გვამცნობს Football Insider.

ამის მიზეზი ჩრდილოლონდონელთა გაუარესებული ფინანსური მდგომარეობაა, რომელსაც ინგლისის პრემიერლიგაში გავარდნის რისკი ამძაფრებს. ესპანელი მცველი 2026 წლის ზაფხულში პეპ გვარდიოლას გუნდის მარჯვენა ფლანგის გაძლიერების პრიორიტეტული სამიზნე გახდა. საკუთარი ფინანსური სირთულეების მიუხედავად (სიტიმ გასულ სეზონში 338 მილიონი ევრო დაკარგა), ხელმძღვანელობა მზადაა ფეხბურთელში ინვესტიცია ჩადოს.

ექსპერტ სტეფან ბორსონმა აღნიშნა, რომ ინგლისის პრემიერლიგაში ადგილის დაკარგვა „ტოტენჰემს“ სპონსორობის შემოსავლის სახით დაახლოებით 200 მილიონი ფუნტი (232 მილიონი ევრო) დაუჯდება, რაც მათ დამატებითი დაფინანსების სასწრაფოდ მოძიებას აიძულებს.

პორო „სიტიში“ 2019 წლიდან 2022 წლამდე თამაშობდა, თუმცა გვარდიოლას გუნდში არც ერთი მატჩი არ ჩაუტარებია. 26 წლის ესპანელი „ტოტენჰემში“ 2023 წლის ზაფხულიდან თამაშობს. ამ სეზონში მან 38 თამაშში ერთი ბურთი გაიტანა და ექვსი საგოლე გადაცემა შეასრულა მისი კონტრაქტი 2028 წლის ივნისის ბოლომდეა გათვლილი.