შოტლანდიის ჩემპიონატში „რეინჯერს“ „სელტიკს“ უმასპინძლა და გუნდები დაზავდნენ, ეს შედეგი კი დიდად არცერთს გაახარებდა.

„რეინჯერსმა“ იდეალურად დაიწყო: მერვე წუთზე მაკრატელა დარტყმით ჩერმიტიმ ანგარიში გახსნა, ხოლო 26-ე წუთზე პორტუგალიელმა შემტევმა დუბლი შეასრულა. თუმცა, მასპინძლებმა ორბურთიანი უპირატესობა ვერ შეინარჩუნეს.

მეორე ტაიმის დასაწყისში კირან ტირნიმ შეამცირა სხვაობა, ხოლო კომპენსირებულ დროში რეო ჰატატემ თავისივე გაცუდებულ პენალტს დაამატა და წონასწორობა აღადგინა - 2:2.

„რეინჯერსი“ 57 ქულით მეორე ადგილზეა, „სელტიკს“ 55 ქულა აქვს, ხოლო ჩემპიონატს „ჰართსი“ 63 ქულით ლიდერობს, ასე რომ, „ოლდ ფირმში“ ფრე ყველაზე მეტად „ჰართსს“ აწყობდა. ოღონდ, „სელტიკს“ კონკურენტებთან შედარებით ერთი თამაში მარაგში აქვს.