„პარი სენ-ჟერმენის“ მთავარმა მწვრთნელმა ლუის ენრიკემ ჩემპიონთა ლიგის პლეი-ოფში „მონაკოსთან“ პირველი მატჩის წინ პრესკონფერენცია გამართა.

„მარცხთან გამკლავება ყოველთვის რთულია, მაგრამ ის საფუძვლიანად უნდა გავაანალიზოთ. „მარსელის“ წინააღმდეგ, რომლის წინააღმდეგაც ხუთჯერ გავიტანეთ გოლი, იმდენივე შანსი შევქმენით, რამდენიც „რენის“ წინააღმდეგ, მაგრამ წავაგეთ. რთული სიტუაციების დაძლევას მიჩვეულები ვართ. სამშაბათს სათამაშოდ მოტივირებულები ვართ. „მონაკოს“ დასაკარგი არაფერი აქვს. მათ ძალიან კარგი გუნდი ჰყავთ ძალიან კარგი მოთამაშეებით. მათ ვიცნობთ.

ერთმანეთს ორი კარგი გუნდი დაუპირისპირდება კარგი მოთამაშეებით. რამდენიმე თვის წინანდელი მატჩის მსგავს მატჩს უნდა ველოდოთ და ამ თამაშის მოგებას ვეცდებით.

კონცენტრირებულები უნდა ვიყოთ და ყოველ მატჩში ერთნაირად ვითამაშოთ. შემდეგი მატჩის მოსაგებად კარგად უნდა მოვემზადოთ, რომ საქმე კარგად შევასრულოთ. მენტალიტეტს არ ვცვლით. გვინდა, რომ მატჩები როგორც სახლში, ასევე გასვლით მატჩებში მოვიგოთ.

ეფექტურობა უნდა გავაუმჯობესოთ, რადგან ჩვენი ინდივიდუალური ხარისხი მნიშვნელოვანია. ჩემი ნდობა ჩვენი მოთამაშეებისა და გუნდის მიმართ არსებობს. უნდა გავაცნობიეროთ, რამდენად რთულია სტუმრად გამარჯვება, მაგრამ თავდაჯერებულები ვართ, რადგან ეს წარსულში უკვე გავაკეთეთ.

დემბელეს სიტყვები? რაც ვთქვი, ძალიან ნათელია. პსჟ-ს გარშემო ყოველთვის ხმაური ისმის, ამას შევეჩვიეთ და შევეგუეთ. მეტი სათქმელი არაფერი მაქვს", - თქვა ლუის ენრიკემ.

შეგახსენებთ, რომ „მონაკოსა“ და „პარი სენ-ჟერმენის“ დაპირისპირება 17 თებერვალს გაიმართება. მიმდინარე სეზონში პსჟ „მონაკოსთან“ გასვლაზე უკვე დამარცხდა, ლიგა 1-ის ეგიდით.