„ნიუკასლ იუნაიტედს“ ბრუნო გიმარაეში გამოაკლდა. ბრაზილიელ ნახევარმცველს კუნთის სერიოზული ტრავმა აქვს.

დაზიანების გამო გიმარაეში რამდენიმე კვირის განმავლობაში ვერ ითამაშებს, სავარაუდოდ, 8-10 კვირა. ის მარტში ბრაზილიის ნაკრების ამხანაგურ მატჩებშიც ვერ მიიღებს მონაწილეობას.

სავარაუდოდ, ბრუნო სეზონის ბოლოს გამოჯანმრთელდება და მსოფლიოს ჩემპიონატზე გამგზავრებას შეძლებს.

ბრუნო გიმარაეშმა მიმდინარე სეზონში 35 მატჩში 9 გოლი გაიტანა, ხოლო „ნიუკასლის“ მაისურით 2022 წლიდან 189 თამაშში თავი 31-ჯერ გამოიჩინა.