„მანჩესტერ იუნაიტედის“ ყოფილმა თავდამსხმელმა უეინ რუნიმ გუნდის დროებით მთავარი მწვრთნელის, მაიკლ კერიკის მართვაზე ისაუბრა. მისი ხელმძღვანელობით „წითლებმა“ პრემიერლიგის სამი მატჩიდან სამივე მოიგეს, დაამარცხეს „მანჩესტერ სიტი“ (2:0), „არსენალი“ (3:2) და „ფულემი“ (3:2).

„„მანჩესტერ იუნაიტედი“ ისევ „მანჩესტერ იუნაიტედს“ დაემსგავსა. ვფიქრობ, მაიკლი შესანიშნავ საქმეს აკეთებს და თუ ის სეზონის ბოლომდე ასე გააგრძელებს, კლუბმა მას მუდმივი სამუშაო უნდა შესთავაზოს“, - ციტირებს რუნის სიტყვებს BBC.

24 მატჩის შემდეგ, „მანჩესტერ იუნაიტედი“ 41 ქულით სატურნირო ცხრილში მეოთხე ადგილზეა და ლიდერ „არსენალს“ 12 ქულით ჩამორჩება.