„მანჩესტერ სიტის“ მთავარ მწვრთნელ პეპ გვარდიოლას არ მოეწონა, რომ „ბენფიკას“ მეკარე ანატოლი ტრუბინი „რეალთან“ მატჩის ბოლო წუთზე მეტოქის საჯარიმოში ჩავიდა.

საქმე ისაა, რომ „რეალი“ ანგარიშს თუ გაათანბრებდა, ტოპ 8-დან „მანჩესტერ სიტი“ ამოვრდებოდა, ამიტომაც, გვარდიოლამ მატჩის ბოლო წუთებს უყურა და „რეალის“ მარცხს გულშემატკივრობდა. შესაბამისად, არ მოეწონა, რომ უკრაინელმა მეკარემ თავისი კარი ცარიელი დატოვა.

„რეალი“ გოლს თუ გაიტანდა, ჩვენ საუკეთესო 8 გუნდს მიღმა დავრჩებოდით. ყველანი ვუყურებდით ბოლო წუთებს და არ ვიცოდით, რომ „ბენფიკას“ კიდევ ერთი გოლი სჭირდებოდა. როდესაც ტრუბინი საჯარიმოსკენ წავიდა, ვთქვი: „სად მიდიხარ? „რეალი“ თუ გაიტანს, ტოპ 8-დან გამოვარდებით“... მოურინიოს მადლობას აუცილებლად მივწერ.

„16-17 წლის, როდესაც პირველი სეზონი მქონდა, ჩემპიონთა ლიგა სხვა ტურნირი იყო. დღეს ნებისმიერი გუნდის წინააღმდეგ თამაში რთულია. ჩვენი მთავარი მიზანი 8 საუკეთესო გუნდში მოხვედრა იყო, იმის გათვალისწინებით, თუ რამდენად მჭიდროა სატურნირო ცხრილი. მიხარია, რომ პლეი ოფს არ ვითამაშებთ და იმედი მაქვს, მარტში საუკეთესო ფორმაში ვიქნებით“, - თქვა გვარდიოლამ.

„მანჩესტერ სიტიმ“ 16 ქულით მერვე ადგილი დაიკავა და 1/16-ფინალი თავიდან აიცილა, ხოლო მერვედფინალში ამ ოთხი გუნდიდან ერთ-ერთს შეხვდება: „რეალი“, „ინტერი“, „ბოდო გლიმტი“ ან „ბენფიკა“.