ნიკოლოზ ბასილაშვილი ქუიმპერის ჩელენჯერის მერვედფინალში დამარცხდა და ტურნირს გამოეთიშა.

ქართველი ჩოგბურთელი ფრანგ ტომას ფორელს შეხვდა, რომლის წინააღმდეგ ორ სეტში მარცხი განიცადა. მეტოქე ორივე სეტში უპირატესობას ფლობდა და გამარჯვება არ გასჭირვებია - 6:3, 6:4. მატჩი მხოლოდ 1 საათს გაგრძელდა.

ბასილაშვილს 8 ეისი, მაგრამ 7 ორმაგი შეცდომაც ჰქონდა, ხოლო ფორელმა 3 ეისი და 1 ორმაგი შეცდომა მიითვალა. ნიკოლოზმა 38 უნებლიე შეცდომა დაუშვა, მაშინ, როცა მეტოქეს მხოლოდ 8 უნებლიე ჰქონდა, შესაბამისად, ამან თამაშის ბედი გადაწყვიტა.

ამრიგად, ბასილაშვილი გამოეთიშა ტურნირს და ATP-ს რეიტინგშიც უკუსვლა ელოდება.