გიბრალტარის ფეხბურთელთა ეროვნული ნაკრების მთავარ მწვრთნელს ალენ ბულას მიაჩნია, რომ მის გუნდს უფრო მეტი შეუძლია.

“ჩვენ უკვე საფეხბურთო “ჯუჯებად” მოგვნათლეს. გუნდად, რომელსაც ყველა დიდი ანგარიშით ამარცხებს. თუმცა, ვფიქრობ, რომ გიბრალტარს უფრო მეტი პოტენციალი აქვს. ჩვენი გზა იოლი არასოდეს ყოფილა. ვსწავლობთ და ვიზრდებით” – იუწყება skysports.com-ი ბულას სიტყვებს, რომლიც ხელმძღვანელობით გიბრალტარმა ევრო-2016-ის შესარჩევში ჯერ პოლონეთთან წააგო 0:7, შემდეგ ამავე ანგარიშით ირლანდიასთან დამარცხდა.

შესარჩევ ციკლში მესამე შეხვედრას გიბრალტარი პორტუგალიის ქალაქ ფარუში სამშაბათს ჩაატარებს. მატჩი თბილისის დროით 22:45 საათზე დაიწყება.