„მანჩესტერ იუნაიტედს“ გასულ ზაფხულს ნახევარმცველ ბრუნუ ფერნანდეშის გაყიდვის გეგმა არ ჰქონდა. გარდა ამისა, „წითელ ეშმაკებს“ კვლავ სურთ პორტუგალიელი ფეხბურთელის შენარჩუნება. ჟურნალისტმა და ინსაიდერმა ბენ ჯეიკობსმა ამის შესახებ სოციალურ პლატფორმა X-ზე დაწერა.
ადრე ფერნანდეშმა ემოციურად გაამხილა, რომ მანჩესტერული კლუბი მზად იყო ზაფხულის სატრანსფერო ფანჯარისას მასთან კონტრაქტი გაეწყვიტა, იმ დროს გავრცელდა ჭორები ბრუნუს საუდის არაბეთის კლუბში შესაძლო ტრანსფერის შესახებ. ინსაიდერის ცნობით, ფეხბურთელის მიმართ საუდელთა ინტერესი კვლავ არსებობს, მაგრამ ნახევარმცველმა გასულ ზაფხულს გადაწყვიტა, „მანჩესტერ იუნაიტედში“ დარჩენილიყო და ევროპაში ეთამაშა.
ამ სეზონში პორტუგალიელმა ყველა ტურნირზე კლუბის 17 მატჩში ხუთი ბურთი გაიტანა და შვიდი საგოლე გადაცემა შეასრულა.
