სმარტ საათები დღესდღეობით დიდი პოპულარობით სარგებლობს. ამ ტიპის აქსესუარებს აქტიურად იყენებენ სხვადასხვა ასაკის ადამიანები, მათ შორის - ბავშვები. მრავალფუნქციური მოწყობილობა მარტივად ერგება განსხვავებული საჭიროებისა და ინტერესების ინდივიდებს.

სპორტსმენებისთვის სმარტ საათი ერთ-ერთი ყველაზე პრაქტიკული ატრიბუტია. თუკი ადრე წამზომის დახმარებით ინიშნავდნენ დროს, თანამედროვე, მაღალტექნოლოგიური სმარტ საათები ამ ფუნქციასაც ითავსებენ და დამატებით სხვა ბევრი სასარგებლო მახასიათებელი აქვთ. ვარჯიშის დროს ფიზიკური დატვირთვა იზრდება, ამიტომ, მნიშვნელოვანია, აკონტროლო გულისცემა და ჯანმრთელობის სხვა მაჩვენებლები. ამისთვის სმარტ საათები იდეალურია.

მოდი, ერთად გადავავლოთ თვალი სპორტსმენების საყვარელ სმარტ საათებს. რა გამოარჩევთ ამ მოდელებს და როგორ გვეხმარება ვარჯიშის დროს დასახული მიზნების მიღწევაში.

Apple Watch

Apple Watch-ი სმარტ საათების ბაზარზე უდავო ლიდერია. Apple-ი მომხმარებელს ტექნოლოგიური ინოვაციისა და დახვეწილი დიზაინის იდეალურ სინთეზს სთავაზობს. ამ ბრენდის პროდუქცია განსაკუთრებული ხარისხითა და ვიზუალით გამოირჩევა. საათები პრემიუმ კლასის მასალებით არის დამზადებული, რაც ხანგრძლივი გამოყენების დროსაც კი მათ გამძლეობას უზრუნველყოფს.

Apple Watch-ს მტკიცე კორპუსი და კარგად განათებული ეკრანი აქვს, რაც ვარჯიშისას ინფორმაციის წაკითხვას ამარტივებს. სმარტ საათის დახმარებით შესაძლებელია გულისცემის, კალორიების, გავლილი მანძილის, სუნთქვის სიხშირის კონტროლი. საათი უკავშირდება სხვა აპლიკაციებს, რომლებიც შენი ინდივიდუალური საჭიროების მიხედვით შემდგომი ვარჯიშის რუტინის დაგეგმვაში შეგიძლია გამოიყენო.

Samsung Galaxy Watch

მათთვის, ვინც ანდროიდს ანიჭებს უპირატესობას, Samsung Galaxy Watch-ი ერთ-ერთი ფავორიტია. ამ მოდელის მთავარი განმასხვავებელი ნიშანი ინოვაციური BioActive სენსორია, რომელიც მომხმარებელს უნიკალურ შესაძლებლობას აძლევს, ბიოიმპედანსის ანალიზატორის საშუალებით მომენტალურად გაზომოს სხეულის კომპოზიციაში (BIA) - ცხიმის პროცენტი, კუნთოვანი მასა და წყლის ბალანსი, რაც ფიზიკური პროგრესის შესაფასებლად კრიტიკულად მნიშვნელოვანია. ვარჯიშის დროს საათი ავტომატურად ცნობს აქტივობის ტიპებს და უზრუნველყოფს ზუსტ მონაცემებს გულისცემის, ჟანგბადის დონისა და სტრესის შესახებ. Samsung Galaxy Watch მარტივად შეგიძლია დაუკავშირო Google-ის აპლიკაციებს, მათ შორის, მუსიკალურ პლატფორმებს, Google Maps-ს, რაც ვარჯიშს ამარტივებს. გამძლე საფირონის მინისა და დახვეწილი დიზაინის წყალობით, Samsung Galaxy Watch იდეალურია ინტენსიური სპორტული დატვირთვისას და ასევე, ყოველდღიურობაში.

Canyon Watch

Canyon-ის სმარტ საათები პრაქტიკული არჩევანია არაერთი მიზეზის გამო. სხვა სმარტ საათებთან შედარებით, Canyon-ის მოდელები გაცილებით უფრო ხელმისაწვდომია. ასე რომ, თუ დამწყები სპორტსმენი ხარ და სმარტ საათის ყიდვა გინდა, მათი შეძენა ბიუჯეტურ ფასადაც შეგიძლია. Canyon-ის სმარტ საათები გამძლეობით გამოირჩევა. მათი ელემენტი საშუალოზე უფრო ნელა ჯდება.

ფუნქციური თვალსაზრისით, Canyon-ის სმარტ საათები აღჭურვილია ყველა აუცილებელი საბაზისო სენსორით, როგორიცაა გულისცემის მონიტორინგი, ცირკადული რითმის ანალიზი და ნაბიჯების მთვლელი. მათი სპორტული რეჟიმები ზუსტად ერგება სირბილს, ველოსპორტსა თუ ფიტნესს.

Xiaomi

ბიუჯეტურ ვარიანტებს შორის არის Xiaomi-ს სმარტ საათებიც. Xiaomi-ს პროდუქცია ფასისა და ხარისხის საუკეთესო თანაფარდობით გამოირჩევა. ამ მოდელების მთავარი ძლიერი მხარე, გარდა კაშკაშა AMOLED ეკრანისა და მსუბუქი დიზაინისა, არის 100-ზე მეტი ჩაშენებული სპორტული რეჟიმი და ზუსტი GPS სისტემა. Xiaomi-ს მოწყობილობები სპორტსმენებს ვარჯიშის ეფექტურობის გაზრდაში ეხმარება. ამუშავებს ისეთ მონაცემებს, როგორიცაა სისხლში ჟანგბადის დონე (SpO2), გულისცემის მონიტორინგი და VO2 Max (ჟანგბადის მაქსიმალური მოხმარება).

რას მივაქციოთ სმარტ საათის არჩევისას ყურადღება

თუ ჯანსაღი ცხოვრების წესით ცხოვრობ და აქტიურად ვარჯიშობ, სმარტ საათის შეძენა ნამდვილად კარგი გადაწყვეტილებაა. თანამედროვე ტექნოლოგიები ჩვენს ყოველდღიურობას ამარტივებს და საჭირო ინფორმაციაზე გამარტივებულ წვდომას გვაძლევს. ქვემოთ ჩამოთვლილია ის ძირითადი ფაქტორები, რომლებსაც სმარტ საათის არჩევისას უნდა მივაქციოთ ყურადღება.

• დარწმუნდი, რომ შენი მობილური ტელეფონი და სმარტ საათი ერთმანეთთან თავსებადია (თუ iPhone-ის მომხმარებელი ხარ, Apple Watch-ი აირჩიე, ანდროიდის შემთხვევაში, მაგ. Samsung Galaxy, Xiaomi);
• შეამოწმე მოწყობილობის ელემენტი. დარწმუნდი, რომ გამართულად მუშაობს და ხშირად დატენვა არ სჭირდება;
• თანამედროვე სმარტ საათები აღჭურვილია გულისცემის, ცირკადული რითმის, სუნთქვის სიხშირის და მსგავსი ფიზიკური მონაცემების მონიტორინგის სისტემით - დარწმუნდი, რომ შენ მიერ შერჩეულ სმარტ საათს ეს ფუნქციები აქვს;

• გაარკვიე, არის, თუ არა სმარტ საათი წყალგაუმტარი;
• როგორია საათის ვიზუალი - ეკრანი და კორპუსი, რამდენად მარტივად აღიქმება ვარჯიშისას ინფორმაცია.

შეჯამება

სმარტ საათი ვარჯიშის დროს ერთ-ერთი ყველაზე პრაქტიკული მოწყობილობაა, რადგან ერთდროულად რამდენიმე ფუნქციას ითავსებს. თუ კონკრეტულად შენს საჭიროებებზე მორგებულ მოწყობილობას შეარჩევ, ეს შენი შედეგების მონიტორინგსა და მათ გაუმჯობესებაში დაგეხმარება. ახლა უკვე იცი, რას მიაქციო შერჩევისას ყურადღება. ისღა დაგრჩენია, სასურველი მოდელი შეარჩიო.

®