ბრაზილიის ნაკრების მთავარმა მწვრთნელმა კარლო ანჩელოტიმ მსოფლიოს ჩემპიონატის წილისყრა შეაფასა.
როგორც მან თქვა, ჯგუფი რთულია და განსაკუთრებით მაროკოს ნაკრები გამოარჩია:
„ეს რთული ჯგუფია. მაროკოს კატარში შესანიშნავი მსოფლიოს ჩემპიონატი ჰქონდა. მათ ძალიან მყარი გუნდი ჰყავთ და რთული მატჩი იქნება. ვფიქრობ, თამაშების უმეტესობას ღამით ვითამაშებთ, ამიტომ ამინდთან დაკავშირებით დიდი პრობლემები არ შეგვქმნება“, - თქვა ანჩელოტიმ.
შეგახსენებთ, რომ ბრაზილიის ნაკრები ჯგუფში ჰაიტისთან, მაროკოსა და შოტლანდიასთან ერთად მოხვდა.
საინტერესო დამთხვევა: 1998 წლის მუნდიალზე ბრაზილია, მაროკო და შოტლანდია ერთ ჯგუფში იყვნენ, ახლა განსხვავება მხოლოდ ისაა, რომ ისინი ნორვეგიის ნაცვლად ჰაიტის შეხვდებიან.
