„ნიცა“ სპორტულ დონეზე რთულ პერიოდს გადის, რასაც მათი ბოლო შედეგებიც ადასტურებს. მაგრამ ის, რაც „ნიცას“ საწვრთნელი ბაზის წინ „ლორიენთან“ მარცხის (1:3) შემდეგ მოხდა, ფეხბურთთან საერთო არაფერი ჰქონდა.
ულტრასების ჯგუფი გუნდის ავტობუსს დაელოდა და როგორც კი, ისინი ავტობუსიდან გადმოვიდნენ, ულტრასებმა რამდენიმე ფეხბურთელს ფიზიკური შეურაცხყოფა მიაყენეს - წიხლებს ურტყამდნენ და აფურთხებდნენ. დაზარალებულ ფეხბურთელთა შორის, არიან ჟერემი ბოგა და ტერემ მოფი.
„ნიცამ“ ლიგა 1-ში ზედიზედ მეოთხე თამაში წააგო და 17 ქულით მეათე ადგილზეა, ხოლო პარალელურად, ევროპა ლიგაზეც საშინლად თამაშობს, სადაც ხუთ ტურში ყველა თამაში წააგო და ბოლო ადგილზეა.
