„ნაპოლის“ პრეზიდენტმა აურელიო დე ლაურენტისმა განაცხადა, რომ მისი გუნდი ახლა უფრო ძლიერია, ვიდრე გასულ სეზონში იყო.

„ნორმალურია, რომ სეზონის განმავლობაში პრობლემები გქონდეს, რამაც შეიძლება გასახდელზეც იმოქმედოს. გარდა ამისა, ისინი ამცირებენ „ბოლონიას“, რომელიც შესანიშნავი გუნდია და შესანიშნავი მწვრთნელი ჰყავს. როდესაც „სპეციასთან“ წავაგეთ და ის იქ მწვრთნელი იყო, მე იტალიანოს მივულოცე, რადგან ეს ნიშნავდა, რომ ის კარგი იყო: ყოველთვის მომწონდა და პატივს ვცემდი მას.

დარწმუნებული ვარ, რომ „ნაპოლი“ უფრო ძლიერია, ვიდრე გასულ წელს.უნდა ვნახოთ საქმეში ახალი შენაძენები, შევაფასოთ ისინი და ამ მაისურის ერთგულები გავხადოთ. თუ მოთამაშე რამდენიმე წუთს თამაშობს, ის ამას ვერ გრძნობს, მაგრამ ფეხბურთელების ტრავმებმა ახალ მოთამაშეებს საშუალება მისცა, ეჩვენებინათ თავიანთი შესაძლებლობები და ისინი არაჩვეულებრივი ბიჭები არიან. აბსოლუტურად დარწმუნებული ვარ, რომ გავაგრძელებთ შესანიშნავად თამაშს“, - თქვა დე ლაურენტისმა.

შეგახსენებთ, რომ „ნაპოლი“ სერია A-ს 13 ტურის შემდეგ 28 ქულით „მილანთან“ ერთად ლიდერობს.