მსოფლიოს 2026 წლის ჩემპიონატზე მონაწილე 42 ნაკრების ვინაობა ცნობილია, დღეს გამთენიისას ჩრდილოეთ ამერიკის ზონიდან მუნდიალზე თამაშის უფლება მოიპოვეს პანამამ ჰაიტიმ და კიურასაომ, ხოლო პლეი-ოფში იასპარეზებენ იამაიკის და სურინამის ნაკრებები.

შესარჩევი ეტაპის ბოლო ტურში პანამის ნაკრებმა საკუთარ მოედანზე სალვადორს უმასპინძლა და მარტივად 3:0 იმარჯვა. კურასაოს ნაკრებმა ისტორია დაწერა და პირველად ითამაშებს მუდიალზე, მათ გადამწყვეტ შეხვედრაში სტუმრად იამაიკის ნაკრებთან ფრედ ითამაშა 0:0 - რაც მსოფლიო ჩემპიონატზე გასასვლელად საკმარისი აღმოჩნდა .აღსანიშნავია ის ფაქტიც, რომ კურასაო ყველაზე პატარა ქვეყანაა ვისაც ოდესმე მოუპოვებია მუნდიალის საგზური. რაც შეეხება ჰაიტის ნაკრებს, მათ ბოლო ტურში ნიკარაგუა 2:0 დაამარცხეს.

ამრიგად მსოფლიო ჩემპიონატზე მონაწილე 48 ნაკრებიდან 42-ის ვინაობა ცნობილია, დარჩენილია 6 მონაწილეს ვინაობა. 4 ნაკრების ვინაობა ევროპის პლეი-ოფის ზონიდან გაირკვევა, ხოლო 2 ნაკრების ვინაობა კონფედერაციის პლეიოფის ზონიდან გაირკვევა, სადაც მონაწილეობას კონგოს, ბოლივიის ახალი კალედონიის, ერაყის, იამაიკის და სურინამის ნაკრებები ითამაშებენ.