რუსეთის საფეხბურთო პირველი დივიზიონის მე-19 ტურში, ტიხვინის “ტოსნომ” კრასნოიარსკის “ენისეი” სანკტ-პეტერბურგში მიიღო და 3:1 გაიმარჯვა.

მასპინძლებში მეკარე ნუკრი რევიშვილმა სრულად ითამაშა. მარცხენა მცველი გიორგი ნავალოვსკი სასტარტოში იყო და 87-ე წუთზე შეცვალეს. ფორვარდი ოთარ მარცვალაძე ტრავმირებულია და წელს მოედანზე ვერ გავა. რუსეთის მოქალაქე თავდამსხმელი მიხაილ გორელიშვილი 18-კაციან განაცხადში იმყოფებოდა, მაგრამ არ უთამაშია.

პირველი ტაიმის ბოლო წუთზე, როდესაც “ტოსნო” 2:1 იგებდა, რევიშვილმა პენალტი მოიგერია. მიმდინარე სეზონში პირველი შემთხვევა არაა, როდესაც მეტოქეები ქართველ მეკარეს თერთმეტმეტრიანი ნიშნულიდან ვერ უტანენ.