საქართველოს 19-წლამდე ასაკის ფეხბურთელთა ნაკრებმა ევროპის ჩემპიონატის ელიტრაუნდის საგზური მოიპოვა.
გიორგი დევდარიანის შეგირდებმა საკვალიფიკაციო ჯგუფური ეტაპის ბოლო მატჩში რუმინელი თანატოლები 3:1 დაამარცხეს და ჯგუფში მეორე ადგილზე გავიდნენ. “მიხეილ მესხზე” გამართულ შეხვედრაში ანგარიში პირველივე წუთზე გეორგ პუშკაშმა გახსნა. მე-9 და მე-13 წუთებზე “მეტალურგის” ნახევარმცველმა ოთარ კიტეიშვილმა დუბლი მიითვალა. შესვენებიდან სამ წუთში ზურაბ მალანიამ ქართველთა უპირატესობა ორ ბურთამდე გაზარდა და როგორც შემდგომში გაირკვა მატჩის საბოლოო ანგარიში 3:1 დააფიქსირა.
ამ გამარჯვებით საქართველომ მე-11 ჯგუფში 6 ქულა დააგროვა, მეორე ადგილზე გავიდა და ლიდერ ჩერნოგორიას სამი ქულით ჩამორჩა. ბალკანელებმა “მიხეილ მესხის” სათადარიგო მოედანზე კვიპროსი უხვგოლიან მატჩში ანგარიშით 6:3 დაამარცხეს.
| 1. | ჩერნოგორია | 3 | 3 | 0 | 0 | 9:3 | 9 | |
| 2. | საქართველო | 3 | 2 | 0 | 1 | 6:4 | 6 | |
| 3. | კვიპროსი | 3 | 1 | 0 | 2 | 5:9 | 3 | |
| 4. | რუმინეთი | 3 | 0 | 0 | 3 | 1:5 | 0 |
