უკრაინის ნაკრების ნახევარმცველი გეორგი სუდაკოვი კარიერას „ბენფიკაში“ გააგრძელებს. ტრანსფერი ოფიციალურად დადასტურდა.
სუდაკოვი „ბენფიკას“ იჯარით შეუერთდა, რომლის ღირებულება თითქმის 7 მილიონი ევროა, ხოლო 2026 წელს პორტუგალიელებს ფეხბურთელის გამოსყიდვის ვალდებულება ექნებათ 20 მილიონ ევროდ.
22 წლის გეორგის სუდაკოვს მთელი კარიერა „შახტარში“ აქვს გატარებული, რომლის მაისურით 148 შეხვედრაში 35 გოლი გაიტანა.
