„ბარსელონას“ სპორტულმა დირექტორმა დეკუმ არგენტინელი თავდამსხმელის, ლიონელ მესის, კატალონიურ კლუბში წარუმატებელ დაბრუნებაზე ისაუბრა. 2023 წელს გავრცელდა ჭორები, რომ თავდამსხმელი კვლავ შეიძლებოდა „ბლაუგრანას“ მოთამაშე გამხდარიყო, მაგრამ მესიმ კონტრაქტი „ინტერ მაიამისთან“ გააფორმა.

„მესის შესაძლო დაბრუნება „ბარსელონაში“ 2023 წელს? საუბარი იყო საუდის არაბეთზე, „ინტერ მაიამიზე“... მესის ისტორია ძალიან დიდია, ის „ბარსელონას“ ისტორიაში უდიდესი ფეხბურთელია და მისი გამეორება რთულია.

ზოგჯერ პირადი პრობლემები იყო, შესაძლოა, პარიზში გატარებული პერიოდის შემდეგ მაიამიში წასვლა სურდა, ყველაზე მნიშვნელოვანი საკუთარი თავის პოვნა და ბედნიერება იყო. შესაძლოა, მან ეს „ბარსელონაში“ ვერ იპოვა, რადგან იქ დიდი ზეწოლაა. ვფიქრობ, რაც მოხდა, ყველასთვის კარგი იყო: „ბარსელონა“ აგრძელებდა შემადგენლობის გადახალისებას და მესიც აგრძელებდა გოლების გატანისა და ბედნიერების გზას“, - ციტირებს დეკუს სიტყვებს Barca Universal.