საფრანგეთის ლიგა 1-ის 32-ე ტურში „ლიონი“ საკუთარ მოედანზე „ლანსთან“ დამარცხდა და ჩემპიონთა ლიგაზე გასვლის შანსი ძალიან შეუმცირდა, თუმცა გიორგი მიქაუტაძემ გოლი ისევ გაიტანა.

ქართველმა თავდამსხმელმა შეუცვლელად ითამაშა და 79-ე წუთზე თავური დარტყმით დალაშქრა მეტოქის კარი, როცა ანგარიში გაათანაბრა (1:1). „ლიონს“ აუცილებლად მოგება სჭირდებოდა უმოტივაციო „ლანსთან“, მაგრამ დარჩენილ დროში გაუშვა და უქულოდ დარჩა - 1:2

გიორგი მიქაუტაძეს „ლიონის“ მაისურით ყველა ტურნირზე 45 მატჩში 17 გოლი აქვს გატანილი და 10-ჯერ საგოლე პასით გამოირჩა. კონკრეტულად ტურნირებზე გიორგის სტატისტიკა ასე ნაწილდება: ლიგა 1-ში 32 მატჩი, 11 გოლი და 6 საგოლე პასი, საფრანგეთის თასზე 2 მატჩი, 2 გოლი და ევროპა ლიგაზე 11 მატჩი, 4 გოლი და 4 საგოლე პასი.

„ლიონი“ 54 ქულით მეშვიდე ადგილამდე ჩამოქვეითდა და ჩემპიონთა ლიგის ზონას 3 ქულით ჩამორჩება, მაგრამ მხოლოდ ორი ტურია დარჩენილი, მის წინ კიდევ ორი გუნდია, რომელიც ოთხეულისთვის იბრძვის. ასე რომ, პაულუ ფონსეკას გუნდის მდგომარეობა რთულია. „ლიონი“ მომდევნო ტურში 10 მაისს, სტუმრად „მონაკოს“ დაუპირისპირდება.