„ალ-ნასრის“ თავდამსხმელი კრიშტიანუ რონალდუ საკუთარ თავთან საუბრობდა და აქტიურ ჟესტებს გამოხატავდა აზიის ჩემპიონთა ლიგის ნახევარფინალურ მატჩში „კავასაკი ფრონტალესთან“ წაგების შემდეგ (2:3).

თამაშის შემდეგ პორტუგალიელი ფეხბურთელი ცენტრალურ წრეში მარტო დარჩა. რონალდუმ ხელები გაშალა, მხრები აიჩეჩა, ცას ახედა და თავისთვის ისაუბრა.

რონალდუმ ამ სეზონში ყველა ტურნირზე 38 მატჩი ჩაატარა, 33 ბურთი გაიტანა და ოთხი საგოლე გადაცემა გააკეთა. ფეხბურთელის ამჟამინდელი კონტრაქტი კლუბთან 2025 წლის ზაფხულამდეა გათვლილი.