სლოვაკეთის დედაქალაქ ბრატისლავაში მიმდინარე ევროპის ჩემპიონატზე ბერძნულ-რომაულ ჭიდაობაში დღეს საქართველოს ნაკრების ხუთმა წევრმა იჭიდავა, მაგრამ ფინალში ვერცერთი გავიდა. სამაგიეროდ, სამი ბრინჯაოს შანსი არსებობს.

82 კგ წონით კატეგორიაში გელა ბოლქვაძემ შვეიცარიელი რამონ ბეტშარტი (1:1) და ბულგარელი სვეტოსლავ ნიკოლოვი (6:2) დაამარცხა, ხოლო ნახევარფინალში აზერბაიჯანელ გურბან გურბანოვთან წააგო და ხვალ ბრინჯაოსთვის იბრძოლებს.

60 კგ წონით კატეგორიაში ამირან შავაძემ პირველივე შეხვედრა წააგო, მაგრამ მისი მეტოქე ფინალში გავიდა, შესაბამისად, ქართველი ხვალ ბრინჯაოსთვის იბრძოლებს, რომლის რეპეშაჟში ლიეტუველ იუსტას პეტრავიჩიუსს შეხვდება.

67 კგ წონით კატეგორიაში ხეცურიანმა პირველი ბრძოლა მოიგო და მეოთხედფინალში წააგო, მაგრამ ისიც გადაერთო რეპეშაჟში, სადაც შვეიცარიელ ანდრეას ვეტშის გაეჯიბრება.

დღესვე, უმედლოდ დაასრულეს ასპარეზობა იური ლომაძემ (72 კგ) და გიორგი მელიამ (97 კგ).