საქართველოს საკალათბურთო ნაკრები ევროპის 2025 წლის ჩემპიონატზე C ჯგუფში ითამაშებს, კვიპროსში, ქალაქ ლიმასოლში.

დღეს წილისყრა გაიმართა, რის შემდგომაც ზემოხსენებულის გარდა, ალექსანდრ ჯიკიჩის გუნდის მეტოქეებიც გაირკვა. ჯგუფი საკმაოდ მძიმეა: საქართველოს მეტოქეები ესპანეთი, საბერძნეთი, იტალია, ბოსნია და მასპინძელი კვიპროსი იქნებიან.

გარკვეულია კალენდარიც, რომელიც შემდეგნაირია:

I ტური, 28 აგვისტო

ბოსნია - კვიპროსი
საბერძნეთი – იტალია
საქართველო – ესპანეთი

II ტური, 30 აგვისტო

კვიპროსი – საბერძნეთი
იტალია – საქართველო
ესპანეთი – ბოსნია

III ტური, 31 აგვისტო

ესპანეთი – კვიპროსი
ბოსნია – იტალია
საქართველო – საბერძნეთი

IV ტური, 2 სექტემბერი

საქართველო – კვიპროსი
იტალია – ესპანეთი
საბერძნეთი – ბოსნია

V ტური, 4 სექტემბერი

იტალია – კვიპროსი
ბოსნია – საქართველო
ესპანეთი – საბერძნეთი

შეგახსენებთ, რომ ევრობასკეტი 27 აგვისტოდან 14 სექტემბრის ჩათვლით გაიმართება, რომელსაც კვიპროსი (ლიმასოლი), ფინეთი (ტამპერე), ლატვია (რიგა) და პოლონეთი (კატოვიცე) უმასპინძლებს.

საქართველოს ნაკრებისთვის ეს იქნება ზედიზედ მეექვსე ევრობასკეტი, რომელშიც მონაწილეობა 2011, 2013, 2015, 2017 და 2022 წლებში მიიღო.