MLS-ში საბა ლობჟანიძის „ატლანტა იუნაიტედი“ სტუმრად „ცინცინატის“ დაუზავდა (2:2), ხოლო ქართველი თანაგუნდელთა შორის გამორჩეული იყო.

საბას პასით 50-ე წუთზე ემანუელ ლატე ლატმა ანგარიში გახსნა. ამის შემდეგ მასპინძლებმა ორი გოლი გაიტანეს და წინ გავიდნენ. თუმცა, „ატლანტამ“ ქულა 88-ე წუთზე გადაარჩინა, როცა ალვას პოუელმა ბურთი საკუთარ კარში ჩაჭრა. აღსანიშნავია, რომ ეს გოლიც საბას ფლანგურ ჩაწოდებას მოჰყვა.

ქართველ ნახევარმცველს მიმდინარე სეზონში ხუთ მატჩში 2 საგოლე პასი აქვს აქტივში.

„ატლანტა“ MLS-ის აღმოსავლეთ კონფერენციაში 5 ქულით მე-11 ადგილზეა, მომდევნო ტურში კი, 30 მარტს, „ნიუ იორკ სიტის“ უმასპინძლებს.