იტალიის სერია A-ს 23-ე ტურში თორნიკე შენგელიას „ვირტუსი“ სტუმრად „ტრიესტესთან“ 78:85 დამარცხდა, თუმცა ქართველ კალათბურთელს შესანიშნავი თამაში ჰქონდა.

შენგელიამ 34 წუთში 25 ქულა, 7 მოხსნა და 4 პასი მიითვალა. თორნიკემ 15-დან 11 ორქულიანი და 5-დან 3 საჯარიმო ჩააგდო, ხოლო 1 სამქულიანი ააცილა. ის მატჩის ყველაზე შედეგიანი მოთამაშე იყო.

„ვირტუსი“ იგებდა, მაგრამ შეხვედრის დასკვნით წუთებსა და საკვანძო მომენტში მეტოქისგან 12 უპასუხო ქულა მიიღო, რაც გადამწყვეტი გამოდგა.

„ვირტუს ბოლონია“ 16 მოგებით და 7 წაგებით მეოთხე ადგილზეა, მომდევნო ტურში კი, 31 მარტს, „რეჯანას“ უმასპინძლებს.