ნიჭიერი ფეხბურთელი, ასანე დიაო, რომელსაც ესპანეთის ნაკრებში თამაშიც შეეძლო, სენეგალის ნაკრების ღირსებას დაიცავს.

დიაო სუდანისა და ტოგოს წინააღმდეგ შეხვედრებისთვის სენეგალში გამოიძახეს. ის სენეგალშია დაბადებული და 3 წლის იყო, როცა მისი მშობლები ესპანეთში წავიდნენ. სწორედ იქ დაიწყო მისი საფეხბურთო კარიერა.

დიაო ესპანეთის 18, 19 და 21-წლამდე ნაკრებების ღირსებასაც იცავდა.

19 წლის ასანე დიაო „ბეტისის“ აღზრდილია, რომლის მთავარ გუნდში 2023 წლიდან თამაშობდა, ხოლო იანვრიდან „კომოში“ გადავიდა, რომლის მაისურით სერია A-ში 10 მატჩში 5 გოლის გატანა მოასწრო. მას ესპანეთის 21-წლამდე ნაკრებში 4 გოლი აქვს გატანილი.