ვინისიუს ჟუნიორმა მადრიდის „რეალის" შემადგენლობაში ყველა ტურნირზე პენალტი პირველად ვერ გაიტანა (გარდა პენალტების სერიისა), წერს სტატისტიკური პორტალი Squawka სოციალურ ქსელ X-ზე (ყოფილი ტვიტერი).

ბრაზილიელმა თავდამსხმელმა ჩემპიონთა ლიგის 1/8-ფინალის საპასუხო მატჩში თანაქალაქელ „ატლეტიკოსთან“ თერთმეტმეტრიანი ვერ გაიტანა. მან ბურთი კარს გადააცილა.

ორი მატჩის ჯამში მეოთხედფინალში „რეალი“ გავიდა, რომელიც ამ ეტაპზე ლონდონის „არსენალს“ დაუპირისპირდება.