დღეს, თბილისის დროით 19-20 თებერვლის ღამეს, კანზას სიტიში (აშშ), კონკაკაფის ჩემპიონთა თასის პირველი ტურის მატჩი გაიმართა „სპორტინგ კანზას სიტისა“ და მაიამის „ინტერს“ შორის. შეხვედრა „მაიამის“ გამარჯვებით, ანგარიშით 1:0 დასრულდა.

მატჩის ერთადერთი გოლი 56-ე წუთზე არგენტინელმა თავდამსხმელმა ლიონელ მესიმ გაიტანა.

აღსანიშნავია, რომ უამინდობის გამო თამაში ერთი დღით გადაიდო (ქალაქში უკვე მეორე დღეა თოვს და ყინავს), თუმცა პირობები დიდად არ გაუმჯობესებულა, რის გამოც მატჩი -17 გრადუს ყინვაში გაიმართა.

შეგახსენებთ, რომ გუნდებს შორის მეორე მატჩი 25 თებერვალს ჩატარდება.